ILOILO CITY – Ginakulang ang supply sang dugo bangud man sa pagduging sang Dengue Hemorrhagic Fever.
Sa interview sang Bombo Radyo kay Kim Bryan Diez, Donor Recruitment Officer sang Philippine Red Cross – Iloilo, iya ginpahayag nga subong nga Blood Donor’s Month, madamu ang nagadonar sang dugo apang madamu man ang nagakinahanglan sini bangud sa pagduging sang Dengue.
Suno kay Diez, ang tanan nga type sang dugo ang ginakulang ilabi na ang platelet concentrate nga amo ang lubos nga ginakinahanglan sang Dengue patients.
Ginpahayag man sang natungdan nga sa mga maluyag magdonar sang dugo, mahimo lang nga magpadulong sa talatapan sang Philippine Red Cross sa Bonifacio Drive, Iloilo City.
