ILOILO CITY – Daku ang posibilidad nga mapahalin sa serbisyo ang tatlo ka mga pulis nga nagmaoy sa ulod sang isa ka disco bar and restuarant sa JM Basa St., Iloilo City.
Sa interview sang Bombo Radyo kay Police Brigadier General Rene Pamuspusan, Regional Director sang Police Regional Office 6, iya ginpahayag nga iya nga nabaton ang mga report tuhoy sa mga kabulastugan sang pulis.
Suno kay Pamuspusan, iya nga ipadayon ang internal cleansing sa hanay sang Philippine National Police.
Ginpahayag man ni Pamuspusan nga magluwas sa tatlo ka pulis nga nagmaoy, may yara pa gid sang iban nga mga pulis nga naulamid sa kontrobersiya.
May kaangtanan diri, ginpahayag sang Regional Director nga iya hulaton ang resulta sang imbestigasyon bag-o maghatag sang desisyon tuhoy sa mga pulis nga pasaway.
Nahibalu-an nga ang mga nagmaoy nga pulis amo sanday Pol. Chief Master Sergeant Jose Dinggal, Pol. Senior Master Sergeant Fernil Mark Mallorca kag Pol. Staff Sergeant Ralph Mabuque.
