MANDURRIAO ILOILO CITY– Nagahilibi-on nga nagapangayo sang bulig sa iya pamilya ang elementary teacher nga nadakpan sa buy bust operation sang City Drug Enforcement Unit (CDEU) sa Sta Cruz Arevalo, Iloilo City.
Sa interview sang Bombo Radyo kay Jonaseth Aguirre, elementary school teacher sang A Mirasol Memorial Elementary School sa Q Abeto Mandurriao Iloilo City, iya ginpahayag nga nagapangayo siya sang bulig sa iya utod sa Bacolod nga kadtuan siya sa Mandurriao Police Station bangud nadakpan sa buy bust kag wala sang mabantay sa iya duha ka mga kabataan.
Ginahingyo man ni Aguirre nga mabuligan siya nga makagwa bangud wala man siya sang sala.
Nahibaluan nga nakuhaan sang 10 ka sachet sang ginapatihan iligal nga droga si Aguirre lakip na ang P5,000 nga buy bust money.
Nagapangatubang naman si Aguirre sang kaso nga paglapas sa section 10 kag 11 sang Republic Act 9165 ukon Comprehensive Dangerous Drugs Act.
