MAASIN ILOILO- Positibo ang simbahan nga mag-ayo ang mga pasyente nga may dengue hemorrhagic fever sa banwa sang Maasin, Iloilo.
Sa interview sang Bombo Radyo kay Fr. Louise Clavel, iya ginpahayag nga ang pagbadlis ang makahatag sang kaayuhan sa lawas sang tawo.
Suno kay Fr. Clavel kinahanglan sang tawo ang badlis sa tion nga nagamasakit bangud madamo sang gina-isip kag ginapangita ang Diyos.
Wala man suno sa iya ginapabay-an sang Diyos ang mga nagamasakit.
Moral support naman kun kabigun sang simbahan ang nasambit nga lihok bilang pag-ulikid sa mga nabiktima sang dengue.
Dapat man panumdumon nga kaupod sang tagsa-tagsa ang Diyos sa pagpangabuhi.
Kinahanglan man nga batuan sang mga pasyente ang ginabatyag nga balatian kag magbinuligay ang tanan sa pagpangamuyo kag sa paghatag solusyon sa nasambit nga problema.
