ILOILO CITY- Ginkalipay ni Iloilo City Mayor Jerry Treñas ang paghatag sang igtalupangod ni Presidente Rodrigo Duterte sa paghatag sang tatlo ka adlaw nga plaso sa mga ahensya sang gobyerno sa pagrelease sang Permits.
Sa interview sang Bombo Radyo kay Mayor Treñas, iya ginpahayag nga sila sa Iloilo City Government ang nagapangita na sang paagi agud mahatag gilayun ang ginahingyo nga permit sang mga pumuluyo.
Suno kay Treñas ginatinguhaan na nila agud matigayun ang transaksyon kag releasing sang permits online pinaagi sa paghimo sang application ukon sa website.
Ginatinguhaan man sang lokal nga pamunuan suno sa iya nga mangin isa ka smart city ang Iloilo.
Samtang ginpahayag man ni Treñas nga magahimo sila sang inventory agud matan-aw ang mga pampubliko nga dalanon sa syudad nga nagakadapat bawion.
Pagahitsuhon man nila suno sa natungdan ang mga kinahanglanon agud masunod ang mando sang Presidente nga pagreclaim sang mga pampubliko nga dalan nga ginagamit sa pribado nga negosyo.
