Nangin dako nga kadalag-an sa Philippine Army ang pagsungka sang duha ka mataas nga lider sang Southern Front Kometing Rehiyon-Panay New People’s Army.
Ang mga nagsungka ginkilala sanday Alyas Baby, 33, political guide kag Medical officer sang squad 2 Suyak Platoon kag Alyas Agila, 51, team leader sang Communist rebellion in the Philippines-New People’s Army, Special Partisan Unit sang Kometing Rehiyon Panay.
Sa interview sang Bombo Radyo kay Lt.Col.Joel Benedict Batara, Comamnding officer sang 61st Infantry batallion sang Philippine Army, iya ginpahayag nga ang pagsungka sang duha ka lider sang nasambit nga samahan ang nagapakita lang nga amat-amat na nga nagadula ang pwersa sini.
Suno kay Batara, patimaan man ini nga nangin epektibo ang ila ginpatigayon nga Anti Insurgency Campaign sa diin nagahatag sang kahigayunan nga magbalik sa sabak sang gobyerno ang mga naga surrender paagi man sa third parties kaangay sang Baranggay officials kag iban pa.
Dugang pa sang natungdan, ginpaidalom sa Joint Armed Forces of the Philippines and Philippine National Police Intellegence committee ang duha ka surrenderee agud mahibaluan kun may yara sila sang mga kaso sa Philippine National Police .
Nagpaidalom man sila sa tactical interview agud ma kumpirma kun sila myembro gid man sang New People’s Amy.
Maga agi naman sila sa Enhance Comprehensive Local Integration Progam agud makabaton sang mga benepisyo pagkatapos nila mag sungka.
Ginpahayag ni Lt. Col. Batara nga padayon sila nga nagalaum nga mas madamo pa gid nga myembro sang New People’s Army ang magsungka.
