ILOILO CITY – Ginhingyo ni Iloilo City Lone District Congresswoman Jamjam Baronda sa Department of Health ang pag-release sang Immediate Emergency Assistance may kaangtanan sa Dengue outbreak sa syudad sang Iloilo.
Sa interview sang Bombo Radyo kay Baronda, iya ginpahayag nga nagalab-ot sa P4 million ang Immediate Emergency Assistance nga pagagamiton sa pagbakal sang larvicides kag mga equipment agud nga mapatay ang lamok nga nagadala sang Dengue Hemorrhagic Fever.
Suno kay Baronda, kinahanglan nga maaprobahan gilayon ang nasambit nga hingyo agud nga matapna na ang pagduging sang nasambit nga balati-an.
Bangud nga naglab-ot na sa masobra sa 18,000 ang kaso sang Dengue sa Western Visayas subong nga 2019, ginpahayag ni Baronda nga iya na nga ginpadal-an sang sulat si Department of Education Sec. Leonor Briones nga ipasuspende ang klase sa mga eskwlelahan agud nga mahatagan sang ligwa ang pagpaninlo.
Ang 18,000 suno sa natungdan ang tuman ka taas ipaanggid sa masobra sa 5,000 Dengue cases sang 2018 kag kalabanan sa mga nabiktima amo ang mga kabataan.
