Wala sang pondo para sa Task Force Kontra Dengue sa probinsya sang Iloilo.
Sa ginpatigayon nga session sang Sanguniang Panlalawigan ginpahayag ni Iloilo 2nd district Board Member Jun Mondejar nga nagakapat nga may yara sang pondo sa nasambit nga Task Force kag kun wala sang kwarta, ang Provincial Health Office ang mahimo man nga makapasa sang request sa Sangguniang Panlalawigan.
Suno kay Mondejar wala napatuman sang maayo ang kampanya nga ‘Seek and Destroy’ nga ginpatigayon sang Provincial Health Office kag kinahanglan nga maghimo sang bag-o nga pamaagi agud mas madasig nga matapna ang Dengue Hemorrhagic Fever.
Suno sa natungdan, nagakadapat nga regular ang monitoring sang nasambit nga kampanya.
Naghatag naman sang suhestyon si Iloilo 2nd district Board Member Rolito Cajilig nga magpatigayon sang paindis-indis tuhoy sa Most Cleanest and Greenest baranggay sa tagsa ka tuig agud obligado nga magpanglimpyo ang mga pumuluyo.
Ginhalimbawa man ni Cajilig nga sa Leon, ila nga ginapatuman ang regular nga pagpanglimpyo agud nga makalikawsa balati-an.
