ILOILO CITY – Daku nga pagpanghangkat para Iloilo City Lone District Congresswoman Jamjam Baronda nga mapili-an bilang assistant majority floor leader sa Kamara.
Sa interview sang Bombo Radyo kay Baronda, iya ginpahayag nga daku nga pagpanghangkat kag bugal para sa iya nga mapili-an bilang assistant majority floor leader sa 18th Congress.
Suno kay Baronda, tuman ang iya nga pagpasalamat sa mga kaupod niya sa Kamara nga nagsalig sa iya ikasarang.
Ginpahayag ni Baronda nga sa iya termino bilang assistant majority floor leader, iya buligan ang majority floor leader sa pagduso kag pagpasar sang mga maayo nga layi nga makabulig sa syudad sang Iloilo lakip na sa bug-os nga pungsod.
Bilang assistant majority floor leader, ginpahayag sang natungdan nga may yara siya sang kinamatarong nga magpili sang iya nahamut-an nga komitiba.
