ILOILO– Napang- deploy na ang mga requested tents sa mga kabanhawanan sa probinsya sang Iloilo nga may mataas nga kaso sang dengue hemorrhagic fever.
Sa interview sang Bombo Radyo kay Iloilo Provincial Governor Arthur ‘Toto’ Defensor Jr., iya ginpahayag nga naka abot na sa mga kabanhawanan ang mga ginpangayo nila nga supplies kaangay sang mga tents kag iban pa.
Suno kay Defensor, sakto lang ang stocks sang bulong apang may yara sang ospital nga ginakulang sa IV Fluids.
Dugang sang natungdan ila na ini nga gina talupangod kag nagabinuligay man ang tagsa ka mga ospital agud ma desponeran ang mga kulang nga bulong.
Ginpahayag ni Defensor nga gina- proseso na sa subong ang pag- purchase sang mga kulang nga supplies nga kinahanglanon sa mga ospital.
Ginpasalamatan naman sang gobernador ang naga- bubo nga donasyon halin sa nagkalain-lain nga organisasyon.// Suno sa iya dako gid nga bulig ang mga nabaton nga mga donasyon para sa probinsya.
