ILOILO– Nakalatag na ang nagkalain-lain nga mga programa sang Department of Labor and Employment 6 agud mabuligan ang mga mamumugon sa rehiyon partikular na ang mga kontraktwal nga empleyado.
Sa interview sang Bombo Radyo kay Department of Labor and Employment Assistant Regional Director Maria Victoria Mondragon, iya ginpahayag nga may kaangtanan sa pag-veto sang ni Presidente Rodrigo Duterte sa Security of Tenure bill, positibo kun tani sila nga ang nasambit nga hagna ang makabulig sa problema sang mga mamumugon apang wala ini natigayon.
Bangud sini, nagkalain-lain nga programa ang ila ginhanda agud makabulig sa mga mamumugon.
Ini ang ginalakipan sang paghatag sang palangabuhi-an sa mga mamumugon kun sa diin sila nga barangay naga-istar, pagpaidalom sa ila sa skills training pinaagi sa Technical Education and Skills Development Authority kag pagrefer sa ila sa tagsa nila ka Public Employment Service Office.
Dugang pa sang natungdan, sa rehiyon, kun masobra sa 10 ang empleyado sang isa ka kompaniya, P365 ang minimum wage samtang kun 10 panubo naman ang numero sang trabahador P295 ang natalana nga minimum wage.
