ILOILO CITY-Ginpadayun subong nga adlaw ang search and retrieval operations sa mga missing nga pasahero matapos nagkulob ang tatlo ka mga pumpboat sa Iloilo Strait.
Sa interview sang Bombo Radyo kay Senior Chief Petty Officer Marlon Buenavista, sub station commander sang Philippine Coast Guard-Dumangas, iya ginpahayag nga nagabuligay ang tanan nga rescue team agud makita ang mga missing nga pasahero.
Suno kay Buenavista, ang tanan nga sub station sang Philippine Coast Guard- Western Visayas ang naga-isa agud makita ang mga biktima.
Nagapanawagan man si Buenavista sa mga pumuluyo nga ipahibalo sa Philippine Coast Guard kun may makita nga tawo nga nakasampay sa ila lugar.
Gin-athag man niya nga padayun ang ang biyahe sang mga Roll-on Roll-Off vessels nga may ruta Iloilo-Bacolod vice versa.
