ILOILO CITY– May bag-o na nga station Commander ang Philippine Coast Guard-Iloilo kag Guimaras.
Sa interview sang Bombo Radyo kay Commodore Allan Victor Dela Vega, Commander Coast Guard-Visayas, iya ginpahayag nga si Capt. Erlinda Benliro na ang bag-o nga pinuno sang Philippine Coast Guard-Iloilo samtang si Lieutenant Commander Jose Jacinto Jr. naman ang magaserbe nga pinuno sang Philippine Coast Guard-Guimaras.
Ang duha ka mga bag-o nga commander ang naghalin headquarters sang Philippine Coast Guard Western Visayas.
Suno kay Dela Vega, ang pag-relieve kay anay Commander Perlita Cinco kag Commander Joe Luviz Mercurio ang kabahin sang isa ka procedural action sa tion nga may yara sang ginapatigayun nga imbestigasyon.
Nag-umpisa na sang Lunes nga adlaw ang imbestigasyon sa duha ka mga ginpang-relieve nga commander bangud sa insidente sa Iloilo Strait nga ginkamatay sang 31 ka mga tawo.
