GUIMARAS– Naga-apelar ang Local Goverment Unit sang Guimaras nga masolusyunan ang ila problema sa transportasyon.
Sa interview sang Bombo Radyo Iloilo kay Governor Samuel Gumarin, iya ginpahayag kuntani mahatagan sang tyansa ang mga pumpboats nga makabyahe bangud indi na makaagwanta ang mga sakayanon sasitwasyon nga wala na sila sang kita.
Suno kay Gumarin kun makabalik na ang mga sakayanon sa pagbyahe, makabalik na sila sa ila palangabuhian agud may mahatag sa ila tagsa ka pamilya kag sa mga kabataan nga naga-eskwela.
Pahayag pa ni Gumarin nga sa subong halos kabug-usan sang Probinsya sang Guimaras ang apektado sa pagpa-untat sang byahe.
