ILOILO– Wala nagakahulugan nga tapos na ang pagpanghawan sa mga national roads sa syudad kasunod sang nagahilapit nga pagtakop sang 60 ka adlaw nga ginhatag nga tion sa pagpanglimpyo.
Sa interview sang Bombo Radyo kay Roy Defiño, sang lloilo City Department of the Interior and Local Government iya ginpahayag nga, ang ginhatag nga 60 ka adlaw ang maga serbi nga assessment kun nasunod gid man sang mga barangay ang mando nga pagpanghawan.
Suno kay Defiño nagakadapat nga 50-80% ang na accomplish sa pagpanglimpyo sang tagsa ka mga barangay.
Dugang pa sang natungdan, nagahingyo sila sa Public Safety and Transportation Management Office nga pahibaluon sila kun sa diin ipatigayon ang masunod nga clearing operations adlaw-adlaw agud makahatag kag makapadala sila sang mga personnel ukon dugang nga manpower nga magabulig sa pagpatuman sang nasambit nga mando.
