WESTERN VISAYAS-Ginakulang ang supply sang mga aggregates kaangay sang sand kag gravel nga ginakinahanglan sang mga infrastructure projects sa Western Visayas.
Sa interview sang Bombo Radyo kay outgoing Regional Director Roger de Dios sang Mines and Geosciences Bureau, iya ginpahayag nga bangud sa Build, Build, Build program sang Duterte Administration, mataas ang demand para sa sini nga mga aggregates sa rehiyon.
Suno kay De Dios, kun mga aggregates nga nagikan sa suba lamang ang saligan, kulangon gid ini.
Sa subong, suno kay De Dios, kinahanglan nga maka-engganyo sang mga dalagko nga investors nga magsulod sa rehiyon agud mangin large scale operator para sa produksyon sang aggregates sa diin madamo sang mga potential areas nga makit-an sa rehiyon.
Samtang, pormal na nga nagpungko bilang bag-o nga regional director sang Mines and Geosciences Bureau Region 6 si Mr. Raul Lapot.
I-assign naman sa Mines and Geosciences Bureau Central Office si outgoing Regional Director De Dios.
