ILOILO- Ginpasiguro ni Cabinet Secretary Carlo Nograles ang paghatag sang solusyon sa problema sang insurhensya sa Western Visayas kasunod sang ginpatigayon nga pagsinapol nga gintambungan sang tiglikom kaupod ang Regional Development Council kag Regional Peace and Order Council sang rehiyon.
Sa interview sang Bombo Radyo Iloilo kay Nograles, iya ginpahayag nga ila nga tutukan ang peace and order situation sang Western Visayas.
Suno kay Nograles, magluwas sa nasambit nga topiko, gin-istoryahan man ang isyu sa mass transportation, kuryente, pagpasangkad sang mga ports kag iban pa.
Ginpahayag sang tiglikom nga lauman man nga makabulig ang nasambit nga pagsinapol agud maka-engganyo sang madamo nga investors kag makahatag sang mas madamo nga trabaho sa rehiyon.
Dugang pa niya, ini ang kabahin sang ila nga pagtuman sa direktiba ni Presidente Duterte nga dal-un ang kauswagan sa mga probinsya agud indi na kinahanglan nga magpadulong sa iban nga lugar ang mga taga-probinsya agud mangita sang trabaho.
Suno pa kay Nograles, ang tanan nga naistoryahan sa pagsinapol ang mangin prayoridad sang cabinet meeting agud mahatagan sang atensyon sang gobyerno.
