ILOILO– Ginkabig nga birthday gift sang composer sang ambahanon nga Mahirap Gumawa ng Kanta ang iya nga pagsulod sa Top 12 sang 3rd National Bombo Music Festival 2020.
Sa interview sang Bombo Radyo kay Edwin Dimaculangan sang West Covina, USA composer sang nasambit nga ambahanon nangin inspirasyon niya ang kabuhi sang isa kompositor kag kabudlay nga gina agyan sini sa pagbalay sang kanta.
Suno kay Dimaculangan humalin sang una mahuyugon na sya magbalay sang mga tula kag ambahanon tubtob nga nangin passion na niya ini.
Tuman naman ang excitement kag kasadya ni Dimaculangan indi lang bangud nakasulod sya sa top 12 bangud man mahatagan sya sang kahigayunan nga makapuli liwat sa Pilipinas para sa Finals sang 3rd National Bombo Music Festival 2020.
