ILOILO– Naka pasa na sang sabat sa notice nga ginpadala sang Department of Justice sanday anay Iloilo City Councilor Plaridel Nava, Councilor Joshua Alim, Presidential Consultant for Western Visayas Jane Javellana may kaangtanan sa pagpasaka sang reklamo sang Panay Electric Company nga falsification of public documents.
Madumduman nga ginpasakaan sang reklamo ang Panay Electric Company batok sa mga nasambit nga persona bangud sa gina alegar pag peke sa mga pirma sa petisyon nga ila ginpalibot nga nagapamatok sa pag renew sang franchise sang PECO.
Sa interview sang Bombo Radyo kay anay Iloilo City Councilor Joshua Alim, iya ginpahayag nga nakatalana nga ipatigayon ang hearing may kaangtan sa ila nga kaso batok sa PECO sa palaabuton nga Setyembre 23 sa Department of Justice.
Samtang nahibaluan nga ginpatigayon subong nga adlaw ang hearing para sa application for renewal sang franchise sang PECO sa Batasang Pambansa.
Dugang ni Alim matapos nila magpasa sang mga dokumento nga sabat sa complaint sang PECO nagpadulong sila sa batasang pambansa agud magtambong sa nasambit nga hearing bangud luyag nila mag tindog nag representate sang mga konsumidor sang nasambit nga kompanya kun may yara sang luyag ipamangkot ang chairman sang Legislative of Franchises.
