ILOILO – Napirmahan na ang Memorandum of Agreement sang Mangunguma Sapnayon palay price precurement program nga magabulig sa mga mangunguma sa probinsya sang Iloilo nga apektdo sang Rice Tarrification law.
Sa interview sang Bombo Radyo kay Atty. Arturo Cangrejo, pinuno sang Provincial Cooperative, iya ginpahayag nga naglab-ot na sa 10 ka mga kooperatiba ang ila nga naevaluate kag mangin benepisyaryo sang nasambit nga bulig kag kag bukas sa gihapon ang ila talatapan sa mga dugang pa nga mga kooperatiba nga luyag mag apply.
Suno kay Cangreo, nagalaom sila nga mangin isa ini ka bulig agud mahagan-hagan ang epekto sang rice tarrification program.
Dugang sang natungdan, paagi sa kooperatiba mas madali nila nga malab-ot ang mga mangunguma.
Ginalauman nga matapos na ang tanan nga nag apply kag luyag pa nga mag apply agud maka kuha sang nasambit nga bulig bag-o ang Desyembre kag ginatinghuaan nila nga ma release ang kwarta sa sulod lamang sang duha tubtob tatlo ka adlaw.
