ILOILO CITY- Indi lamang sa barangay kundi sa bilog nga komunidad may ginatungdan nga papel ang isa ka punong barangay.
Sa interview sang Bombo Radyo kay Punong Barangay Woodie Delariarte sang Brgy. Kauswagan, Iloilo City Proper, ini ang prinsipyo nga nagagiya sa iya agud magpakigbahin sa Dugong Bombo 2019.
Suno kay Delariarte, indi dapat limitado lang sa iya barangay ang pagbulig kundi sa tanan.
Ginpahayag ni Delariarte nga paagi sa pagdonar sang dugo, madamo siya sang masugpunan sang kabuhi nga makabig serbisyo niya sa katawhan.
Gin-agda man ni Delariarte ang publiko ilabi na ang kaangay niya nga mga opisyal sang barangay nga magpakigbahin sa Dugong Bombo 2019 sa Nobyembre 16,2019 sa Iloilo Science and Technology University sa Burgos St. Lapaz, Iloilo City.
