ILOILO – Nakatalana na nga ideklara nga drug cleared Municipality ang banwa sang Miag ao sa palaabuton nga Nobyembre 20 sini nga tuig.
Sa interview sang Bombo Radyo kay Shey Tanaleon, Acting Public Information Officer sang Philippine Drug Enforcement Agency 6 iya ginpahayag nga ang banwa sang Miag ao ang pinaka una nga igadeklarar nga drug cleared sa probinsya sang Iloilo.
Suno kay Tanaleon, masunod nga ideklarar amo ang syudad sang Passi apang wala pa ini pa sang fixed nga schedule.
Dugang sang natungdan, ang banwa lang sang Miag ao kag ang syudad sang Passi ang may yara sang Balay Silangan ukon ang rehabilitation centers para sa mga drug surrenderees kag sa mga drug personalities.
Sa subong may yara na sang 39 ka mga banwa sa Region 6 nga na identify nga drug cleared kun sa diin may yara sang walo sa Aklan, 12 sa Antique, 1 sa Capiz kag Guimaras kag 17 sa Iloilo.
Nagpahanumdom naman si Tanaleon para sa mga lugar nga na deklarar na nga drug cleared nga imentenar ini magpadayon ang ila nga status.
