ILOILO – Nabaton na sang mga pulis ang ila nga bonus ukon ang 13th Month Pay.
Sa interview sang Bombo Radyo kay Police Lt. Col Joem Malong, tagapamaba sang Police Regional Office 6, iya ginpahayag nga tuman nga nagakalipay ang mga pulis sa ila nabaton kag ini ang makapataas sang ila morale bilang police officer.
Suno kay Malong, ang ila nabaton ang katumbas sang basic net pay sa isa ka bulan samtang ang mga Patrolman naman nga bag-o lang na recruit ang may yara lang sang ginasunod nga matrix kun sa diin nagadepende ini kun pila na sila ka bulan sa serbisyo.
Ginpahayag ni Malong nga nakadepende naman sa National Headquarters kun may yara pa sang idugang nga bonus.
