ILOILO – Magapirma sang commitment agud suportahan ang pag operate sang Fisheries Management Area 11 para sa proteksyon,rehabilitation kag conservation sang Visayan Sea.
Sa interview sang Bombo Radyo kay Remia Apari, director sang Bureau of Fisheries and Aquatic Resources 6 iya ginpahayag nga may yara na sang management plan para sa Visayas Sea, reference point kag Harvest control measures par sa Sardines kag Blue Crab nga igaimplement sang kada Gobernador kag iammend man sa ila local ordinance.
Suno kay Apari, indi mabatyagan ang kakulangan sa isda bangud ang rehiyon 6 manggaranon sa Aqua Culture products ukon ang mga isda nga nagikan sa fish ponds kag makabig man nga multi specie ang Visayan sea gani madamo sa gihapon ang isda nga makuha.
Dugang sang natungdan, kinahanglan sang continuous intervention agud mapadayon ini.
Santo sa pahayag ni Apari, magapangatubang sang nagakaigo nga silot ang madakpan nga nagalapas sa pagsulundan nga ginhatag kun sa diin ginadumilian ang pagpangdakop sang tatlo ka sahi sang isda kun close season kun sa diin ang madakpan ang pagadakpon kag posible nga makulong humalin anum ka bulan tubtob anum ka tuig, maga bayad sang penalty nga P6,000 kag iga confiscate man ang permits kag nahuli nga mga isda.
