ILOILO – Dako ang bulig sa pagsolbar sang krimen ang pagpasangkad sang Closed Circuit Television cameras sa syudad sang Iloilo.
Nahibaluan nga isa sa mga problema sang otoridad kun nga-a nagakadugayan sa pagsolbar sa mga kaso amo ang pigado nga quality sang Closed Circuit Television cameras.
Sa interview sang Bombo Radyo kay Police Colonel Martin Defensor Jr., director sang Iloilo City Police Office, iya ginpahayag nga ginpalab-ot na nila sa Iloilo City Council ang problema tuhoy sa nasambit nga isyu.
Suno kay Defensor, maluwas sa problema sa CCTV, isa man sa problema sang otoridad amo ang kakulang sa mga personnel.
Ang police to population ratio sang Iloilo City Police Office ang yara sa masobra sa 1:700 kun sa diin kada isa ka pulis, masobra sa 700 ang iya nga ma-cover nga pupolasyon.
Suno kay Defensor, ang numero sang personnel subong ang yara sa 600, lakip na ang Non Uniformed Personell
