ILOILO – Nakalab-ot na sa Legal Office sang Police Regional 6 ang kaso sang persona nga ginapahayag napatay sa isa ka checkpoint sa Sara, Iloilo kun sa diin imbolbado ang apat ka mga pulis.
Madumduman nga napatay si Adonis Hontiveros, 26 residente sang Brgy. Panantan Elizalde Ajuy matapos nga ginluthang sa checkpoint sang 2nd platoon mobile force company sa Brgy. Zerrudo Sara, Iloilo kun sa diin gina tudlo nga suspek ang apat ka mga pulis nga sanday Pol. Lt. Col. Mario Baquiran, head sang 2nd mobile force company, Pol Corp Alfredo Bartulo Jr., Pol Corp. John Michael Parcia, Patrolman Christopher Paclibar
Sa interview sang Bombo Radyo kay Pol Lt Col Joem Malong, iya ginpahayag nga subject for review na ang nasambit nga kaso bag o ipasa sa opisina sang Regional Director nga amo ang maga apruba sa resulta sang imbestigasyon.
Suno kay Malong, mahimo man nga mabag-o ang resulta sang imbestigasyon depende sa mangin assesment sang Regional Director.
