Ginhangkat ni Mamamayang Liberal (ML) Party-list Rep. Leila de Lima ang China nga maghalin sa teritoyo sang Pilipinas matapos ang kontrobersyal nga pahayag ni Chinese Ambassador Jing Quan sang Huwebes, Oktubre 15.
Madumduman nga ginhambal ni Jing nga mahapos lang nga mapirde sang China ang Pilipinas apang mas ginapili nila ang kalinong.
“If we want to use force, we easily win, but no. We will not use this force, and we love peace,” suno kay Jing sa isa ka public event.
Suno naman kay De Lima, ang mga pahayag sang ambassador nagapakita nga dapat mangin ‘grateful’ ang Pilipinas sa China bangud wala sini ginagamit ang ila militar sa pag-atake sa pungsod.
Iya man nga gintawag nga indi sinsero ang mga nasambit nga pahayag sang ambassador bangud sa lihok sang Beijing sa West Philippine Sea (WPS).
“The latest statement of Chinese Ambassador Jing Quan basically says ‘We are stronger, so be grateful that we don’t use our might to crush you’. This is absolutely the language of a liar and an invader who lacks sincerity in promoting peace,” siling ni De Lima.
Ginpahayag naman sang kongresista nga indi mahimo nga mahadlok ang mga Filipino sa mga pamahog sang China kag padayon sini nga pagadepensahan ang sovereign rights sang pungsod.
Dugang pa ni De Lima, dapat nga gina-respeto sang China ang teritoryo sang Pilipinas kag untatan na sini ang pag-harass sa mga Filipino fishermen.
“If they truly love peace, then they should get out of our territory and stop harassing our countrymen and depriving our fishermen of their livelihoods. Sila itong nanggugulo, nanghihimasok at nangangamkam ng teritoryo,” pahayag ni De Lima.
