ILOILO CITY- Magapahamtang sang Mobile Jail ang otoridad sa bulig man sang Bureau of Jail Management and Penology kadungan sang pagsaulog sang Dinagyang Festival 2020.
Sa interview sang Bombo Radyo kay Police Lt. Col. Joem Malong, tagpamaba sang Police Regional Office 6, iya ginpahayag nga ang Mobile Jail ang isa sa best practices sang Police Regional Office 6 nga nagakadapat ipatuman sa tagsa ka tuig.
Suno kay Malong, katuyuan sa pagpahamtang sang Mobile Jail amo nga pagagamiton ini nga karsel sa tion nga may magluntad nga gamo samtang nagasaulog sang Dinagyang Festival.
Ginpahayag ni Malong nga isa man ini ka papahadlok sa sin-o man nga may plano nga magpatigayon sang kinagamo kadungan sang pagsaulog sang nasambit nga kahiwatan.
