ILOILO – Nagadepende sa breed ang kaalamon sang isa ka ido.
Sa Good Morning Philippines program, ginpahayag ni Bong Ledesma, certified dog trainer, nga may yara sang madamo nga paagi agud nga tudlu-an ang hinuptanan nga ido.
Suno kay Ledesma, nag-umpisa ang iya hilig sa pagtudlo sa ido sang ginhatagan siya sang Pitbull sang iya magulang.
Ginpahayag ni Ledesma nga nagakadapat nga unahon ang mahapos tricks kag dapat regular ang pagtudlo agud nga indi ini malipatan sang ido.
Sa iya eksperyensya, pila lamang sa pinakamaalam nga breed amo ang German Shepherd, Golden Retriever kag Labrador kag ang paminatasan sang ido ang nagadepende sa pagtudlo sang trainer ukon pet owner.
Sa mga sapat naman, ginpahayag sang natungdan nga pinakamaalam ang baboy samtang ang kuring naman ang mabudlay tudlu-an.
Magluwas sa palangabuhi-an, ang trabaho bilang certified dog trainer suno kay Ledesma ang nagserbe niya nga therapy.
