ILOILO CITY – Suportado sang Iloilo City Tourism ang lihok ni Iloilo City Mayor Jerry Treñas nga pagkansela sang Paraw Regatta 2020 bangud sa Novel Coronavirus.
Sa interview sang Bombo Radyo kay Iloilo City Tourism Officer Junel Ann Divinagracia, iya ginpahayag nga ginalauman na ang pagpaiway sang pagsaulog sang Paraw Regatta subong nga tuig bangud prayoridad ang kahilwayan sang tanan.
Suno kay Divinagracia, iya gid nga ginakalipay ang nangin lihok ni Mayor Treñas agud nga indi na maglapta ang Novel Coronavirus.
Ginpahayag ni Divinagracia nga may yara sang early precaution ang Iloilo City Government agud nga indi mabutang sa alang-alang ang ikaayong lawas sang tanan nga magapakigbahin sa Paraw Regatta.
