ILOILO CITY – Naghatag sang ligwa ang Iloilo City Government sa mga flower vendors subong nga Valentines Day.
Sa interview sang Bombo Radyo kay Iloilo City Mayor Jerry Treñas, iya ginpahayag nga bangud ginasaulog ang adlaw sang tagipusu-on, hatagan sang syudad sang duha ka adlaw ang mga flower vendors nga makabaligya sa Iloilo Central Market kag sa distrito sang Jaro agud mangin mahapos para sa mga pumuluyo ang pagbakal sang bulak.
Suno sa alkalde, duha lang ka adlaw ang pahanugot nga ginhatag, humalin kahapon, Pebrero 13 tubtub subong nga adlaw kag pagkatapos, nagakadapat nga liwat nga mahawanan ang mga nasambit nga lugar.
