ILOILO CITY- May pahanugot sang punong barangay sang General Hughes, Iloilo City Proper ang pagpatindog sang balay sa government property sa Sitio Woodstock, General Hughes, Iloilo City Proper nga ginluntaran sang sunog.
Sa interview sang Bombo Radyo kay Jessie Parcon, isa sa mga tag-iya sang nasunog nga balay, iya ginpahayag nga nahibaluan nila nga government property ang area.
Suno kay Parcon, madugay naman nga gina-istaran sang mga pumuluyo ang area kag wala man sang may nagasaway sa ila.
Pahayag ni Parcon, wala man sila sang may gina bayaran sa ila pag-istar sa lugar.
Matandaan nga 24 ka mga balay ang totally burned samtang 4 ang partially burned sa nasambit nga sunog.
Ginpahayag naman ni Punong Barangay Teresa Uy nga iya pahanugutan nga makabalik ang mga nasunugan sa area kun maghatag man sang permiso ang alkalde sang syudad.
Angot naman sa on-going construction sang three-storey building sa lugar nga ipausisa ni Mayor Jerry Treñas, ginpahayag ni Uy nga nakasekyar sang brgy permit ang tag-iya sang building para sa pagrenovate sini.
