Naka-lockdown na ang Senado matapos matukiban nga nagpositibo sa Coronavirus Disease 2019 ang isa ka resource person sa ginpatigayon nga Senate hearing sang Committee on Basic Education, Arts and Culture sang nakaligad nga Marso 5, 2020.
Ini ang nangin pahayag ni Senate President Vicente “Tito” Sotto III, matapos nga nag desisyon nga magpaidalom sa self-quarantine si Sen. Sherwin “Win” Gatchalian kag Nancy Binay kag pila nila ka staff nga yara sa nasambit nga hearing.
Suno kay Gatchalian, apisar nga maayo ang iya kondisyon magapa-idalom siya sa gihapon sa self-quarantine bangud naka-upod niya mismo ang pasyente nga positibo sa COVID-19.
Samtang, magapaidalom man sa self-quarantine si Department of Finance Secretary Carlos Dominguez III matapos matukiban nga positibo sa COVID-19 ang persona nga iya naistorya sang nakaligad nga semana.
Lakip man sa nagdesisyon nga magapaidalom sa self-quarantine amo si Mayor Isko Moreno matapos nga makapauli sa Pilipinas nagikan sa United Kingdom.
