ILOILO CITY – Gin-athag ni Iloilo City Mayor Jerry Treñas nga wala gin lockdown ang syudad sang Iloilo.
Sa interview sang Bombo Radyo kay Mayor Treñas, iya ginpahayag nga ginsuspinde lang niya ang mga klase sa tanan nga lebel sa syudad sang Iloilo kag wala ginlockdown.
Suno kay Treñas, naghingyo man sa siya sa mga malls kag iban pa nga mga establisyemento nga likawan anay ang paghiwat sang mga dalagko nga events kag pagtilipon sa sulod sang 14 ka adlaw bilang kabahin sang preventive measures batok sa COVID-19.
Dugang sang natungdan, wala sang nagakadapat nga ikabalaka ang nga pumuluyo bangud bastante ang mga balaklon sa syudad ilabi na ang mga basic commodities lakip man ang supply sang alcohol kag sanitizers.
Santo sa pahayag sang alkalde nagpasalig ang Department of Trade and Industry nga wala sang problema sa pagsulod sang mga produkto nagikan sa iban nga lugar.
