Ginkumpirma sang Department of Health ang apat ka bag-o nga napatay bangud sa Coronavirus Disease 2019 sa Pilipinas.
Una na diri si Patient 9 nga isa ka 86-anyos nga American national nagikan sa Marikina City kag may yara sang history of travel sa Estados Unidos kag South Korea.
Ika-duha amo si patient 54 nga isa ka 40-anyos nga lalaki nagikan sa Pasig City nga wala sang travel history kag wala man sang exposure sa nagpositibo sa COVID-19.
Ika-tatlo naman amo si patient 36 nga isa ka 64-anyos nga lalaki nagikan sa Negros Occidental nga may travel history sa Greenhills kag may yara sang chronic renal disease.
Kag ika-apat amo si Patient 12 nga isa ka 56-anyos lalaki nga napatay bangud sa acute respiratory distress syndrome kag may preexisting asthma.
Sa subong naglab-ot na sa 140 nga kumpirmado nga kaso sang COVID-19 sa Pilipinas kag 12 naman ang total number of fatalities.
