Ginkumpirma ni Department of Foreign Affairs Sec. Teddy Locsin ang pagpatuman nila sang total ban sa tanan nga pungsod bangud sa pagpamahog sang Coronavirus Disease 2019.
Paagi sa iya nga online post, ginpahayag ni Locsin nga ipauntat na nila ang issuance sang visa sa tanan nga talatapan sang gobyerno sa sulod kag gwa sang pungsod.
Bangud diri, ginalauman nga wala anay sang mga dumuluong nga makasulod sa Pilipinas.
Gin-athag man sang natungdan nga wala sang exemption ang ila ginpatuman nga kasuguan.
Ang pahanugutan lang amo ang dumuluong diri sa Pilipinas nga luyag magpauli sa ila tagsa ka mga pungsod.
Sa subong wala pa sang ginpagwa nga bag-o nga pagsulundan ang Inter-Agency Task Force may kaangtanan sa travel advisory.
