ILOILO CITY- Gin-athag ni Iloilo City Lone District Rep. Jam Jam Baronda nga indi iya staff ang nagsakay sa eroplano nga para kun tani sa mga medical technologist nga magapaidalom sa training sa Research Institute For Tropical Medicine sa Metro Manila.
Sa interview sang Bombo Radyo kay Baronda, iya ginpahayag nga ang mga staff niya nga magasugat kun tani sa duha ka medical technologist ang yara na sa Manila.
Ginpahayag ni Baronda nga kun tani mangin responsable ang nagapalapta sang sala nga impormasyon bangud nga wala ini sang may ibulig ilabi na subong nga may yara sang krisis.
Wala man siya sang plano suno kay Baronda nga magpalapad sang papel bangud nahibaluan naman sang tanan ang iya personalidad bilang isa ka mamalidha.
