Nakagwa na sa ospital ang aktor nga si Christopher De leon matapos nga nagpositibo sa Coronavirus Disease 2019.
Suno sa talent manager sang aktor nga si Lolit Solis, gintugutan na sang iya nga doktor nga makagwa si Christopher bangud amat-amat na nga naga ayo ang iya nga kondisyon.
Madumduman nga sang Marso 17 sang ginkumpirma sang aktor nga nagpositibo sya sa nasambit nga balatian kag kinahanglan niya nga iconfine sa ospital.
Sa subong kinahanglan sa gihapon nga magpaidalom sa 14 ka adlaw nga quarantine sang aktor agud masiguro nga mangin hilway na siya sa virus.
