ILOILO CITY – Pangunahan mismo ni Iloilo City Mayor Jerry Treñas ang pag-monitor sa mga barangay sa syudad may kaangtanan sa paglista sang mga benepisyaryo sang Social Amelioration Program.
Sa interview sang Bombo Radyo kay Treñas, iya ginpahayag nga ginasigurado sang Iloilo City Government nga mangin alalangay ang bulig nga mabaton sang kwalipikado nga mga pumuluyo sa syudad.
Suno kay Treñas, iya man gin-abisuhan ang mga punong barangay nga ang mga residente nga indi botante sang syudad ang mahimo man nga ilakip sa nasambit nga programa bangud sila ang apektado man sang ginapatuman nga enhanced community quarantine.
Nagpasalig si Treñas nga magapadayon ang ila koordinasyon sa national government agencies ilabi na sa Department of Social Welfare and Development agud mapat-od nga mabaki-baki ang benepisyo para sa nagakinahanglan.
Nahibaluan nga santu sa direktiba sang Department of the Interior and Local Government, katungdanan sang tagsa ka local government unit ang pagtumod sa mahimo maka-avail sang Social Amelioration Program.
