ILOILO CITY – Padayon nga nagabaton sang donasyon ang Uswag Relief Operation Center para sa mga pumuluyo kag frontliners.
Ini matapos nga madali na lang maubos ang 16,000 ka sako sang bugas nga ginbakal sang Iloilo City Government.
Sa interview sang Bombo Radyo kay Jonas Bellosillo, chief of staff sang Uswag Relief Operation Center, iya ginpahayag nga ang barangay officials ang mahimo nga makakuha sang supply agud nga ipanghatag sa nasakupan nga pumuluyo.
Suno kay Bellosillo, nakadepende sa populasyon sang isa ka barangay ang kadamuon sang relief goods nga mahimo makuha.
