ITALY – Nagdangat na sa 100 ang numero sang mga doctor nga nagkalamatay sa Italy bangud sa Coronavirus Disease pandemic.
Suno sa Italian Association of Doctors, 80 diri ang nagatrabaho sa northern Italy sa diin may pinakamadamo nga napatay kag kaso sang nasambit nga virus.
Naglab-ot naman sa 13,522 ang mga health workers nga natapikan sang COVID-19.
Nahibaluan nga nagdangat na sa 17,669 ang kabilugan nga numero sang nagkalamatay sa Italy bangud sa COVID-19 samtang 95,262 naman ang positibo nga kaso.
