ILOILO– Posible nga pagpalawigon tubtob sa Mayo 15 ang Enhanced Community Quarantine sa Probinsya sang Iloilo.
Sa interview sang Bombo Radyo kay Iloilo Governor Arthur Defensor Jr., iya ginpahayag nga may bag-uhon sa scheme nga dapat ipatuman sa tuhoy sa posible pagpalawig sang quarantine kag pag-modify sini.
Suno kay Defensor, ang dapat himuon sa subong amo ang pagpatuman kag paggamit sang tanan nga quarantine measures.
Isa sa basehan suno kay Defensor sa pagpatuman sang quarantine pagkatapos sang Abril 30 amo ang epekto sini sa ekonomiya.
Pagahatagan man sang ligwa ang proactive ukon selective testing agud mahibaluan kun ano ang transmission trend sang virus.
