Tuman nga ginakasubo sang aktres nga si Heart Evangelista ang pagtaliwan sang iya ido nga si Linda.
Suno sa aktres, ginakabig niya nga isa sa pinaka paborito niya nga foster pet si Linda humalin sang nagsugod siya nga magrescue sang mga sapat sang 13-anyos palang sya.
Nahibaluan nga kilala si Heart bilang isa ka nagasakdag sang animal rescue kag adoption.
May yara man sya sang pila ka ido kaangay nalang sang mga “Aspin” ukon Asong Pinoy.
Si Heart man ang madugay na nga ambassador sang Philippine Animal Welfare Society kag sang 2019, ginlunsayr niya ang iya animal welfare facility sa Sorsogon sa diin gobernador ang iya bana nga si Chiz Escudero.
Dugang sang aktres, sa pihak sang iya pagkasubo malipayon sa gihapon ang iya tagipusuon bangud pat-ud niya nga nabatyagan sang iya ido nga si Linda ang iya paghigugma sang ini ang buhi pa.
