THAILAND – Pagatapuson sang Thailand sa maabot nga Dominggo Mayo 03, 2020 ang liquor ban nga ginpatuman sa nasambit nga pungsod.
Ang liquor ban ang ginpatuman agud malikawan ang pagtililipon sang mga tawo.
Suno kay Deputy Prime Minister Wissanu Krea-ngam, ang nasambit nga mando ang mangin epektibo buwas nga adlaw, Dominggo, sa diin mahimo makabakal sang ilimnon sa mga restaurants, convenience stores, supermarkets kag iban pa nga bahin sang pungsod apang ini ang dapat nga take out orders.
Nahibaluan nga sang Abril 10 pa ginpatuman ang liqour ban sa nasambit nga pungsod.
