ILOILO CITY – Desidido nga magbayad sang piyansa ang masobra 40 ka miyembro sang progresibo nga grupo nga nagtuyo maghiwat sang hublag protesta kaangot sa pagkapatay sa City Coordinator sang Bayan Muna nga si Jory Porquia
Sa interview sang Bombo Radyo kay Atty Rene Estocapio legal council sang mga nagkaladakpan iya ginpahayag nga ginatinghuaan nila nga mahingagaw ang ang pagbayad sang piyansa sa lalo madali nga tion.
Ini bangud nagakabalaka sila nga mahimo matapikan sang Coronavirus Disease 2019 ang grupo bangud man tuman ka gutok ang presuhan sang Jaro Police Station agud mag-akomodar sang 42 ka tawo.
Dugang sang natungdan, luyag nila kun tani nga hingagawon ang pagbayad sang piyansa subong nga adlaw apang daw kaangay nga imposible na ini bangud lunsay sarado ang mga talatapan bangud mana adlaw sang sabado.
Nahibaluan nga ginpasaylo na ang iban nga miyembro sang grupo sa nagkalain-lain nga presinto sa syudad agud malikawan ang paglapta sang virus kag ma obserbar ang social distancing.
