LAMBUNAO, ILOILO- Natalana nga pasakaan sang kaso nga murder ang suspek nga nagbuno patay sa 15 anyos nga lalaki sa Barangay Bagumbong Lambunao Iloilo.
Sa interview snag Bombo Radyo kay Police Major Joegen Suegay, hepe sang Lambunao Municipal Police Station, iya ginpahayag nga nahanda na nila ang case folder agud mapasaka ang kaso.
Suno kay Suegay, isa sa mga motibo nga ila gintan-aw amo nga nagaselos ang suspek bangud nakit-an sini ang anay kahagugma nga kaupod ang biktima.
Pahayag pa ni Suegay, pagkatapos sang krimen, boluntaryo man nga nagsungka sa kapulisan ang 18 anyos nga suspek.
Nahibaluan nga ipaidalom pa sa autopsy ang bangkay sang biktima, agud matumod kun pila kabilog ang naangkon sini nga pilas tuga sang pagpamuno.
