Wala na natabangan ang isa ka babaye nga tsismosa matapos ginbuno ini sang lalaki nga iya tupadbalay sa Brgy. Salawag, Dasmariñas City.
Ang biktima amo si alyas “Marya” nga residente sang Sitio Malabon, Brgy. Salawag sa amo nga syudad.
Base sa imbestigasyon, naggwa ang biktima sa iya balay agud magbakal sa tiangge apang ginbanggaan ini sang suspek kag ginkompronta tuhoy sa ginapalapta sini nga tsismis.
Sa tunga sang ila mainit nga pagbaisay, nagkuha sang kutsilyo ang suspek kag ginbuno ang biktima nga nag-angkon sang madalom nga igo nga gintunaan sang iya kamatayon.
Madasig naman nga nalagyo ang suspek.
Padayon pa ang imbestigasyon sa krimen.
