ILOILO CITY- Nagakasubo ang bug-os nga film industry sa kamatayon sang batikan nga direktor nga si Peque Gallaga sa edad nga 76 anyos.
Sa interview sang Bombo Radyo kay Elvert Bañares, Ilonggo Independent Film Director, iya ginpahayag nga ginakasubo sang film industry ang kamatayon ni Gallaga nga isa sa mga maayo nga direktor sa pungsod.
Suno kay Bañares, lakip sa mga indi malimtan nga hinimuan ni Gallaga amo ang Oro Plata Mata sang tuig 1982 , Shake Rattle and Roll Manananggal Episode kag Scorpion Nights.
Ginpahayag ni Bañares nga si Gallaga ang isa sa mga direktor nga naghatag sang importansya kag espasyo sa pantaserye.
Dugang pa sang natungdan, nangin kabahin man sang mga nabulig sang nagtaliwan nga direktor ang mga horror film series nga nakaangkon sang pagkilala kag pagdayaw.
