Gindayaw sang reigning Miss Universe 2025 nga si Fatima Bosch ang pambato sang Pilipinas nga si Bea Millan-Windorski.

Gintawag niya ini nga prinsesa bangod sa iya kaanyag kag matahom nga personalidad.

Sa isa ka video nga gin-share sang Filipino pageant content creator nga si Adam Genato sa Instagram, nag-comment si Bosch nga tuman kaanyag, mabuot kag sweet ang kandidata sang Pilipinas.

Nagpahayag man siya sang pagdayaw sa tanan nga kandidata subong nga tuig.

Si Millan-Windorski ang nagalaum nga mangin masunod kay Bosch bilang Miss Universe kag makadala sang ikalima nga korona para sa Pilipinas.

Nahibaluan nga ang Miss Universe 2026 coronation night pagahiwaton sa Nobyembre 24 sa Puerto Rico samtang alas-otso sa aga naman sa Nobyembre 25, oras sa Pilipinas.