Maga-resume sa Disyembre 1, 2026 ang impeachment trial ni Vice President Sara Duterte.
Ini matapos ginkumpirma sang defense team nga indi available ang mga masunod nila nga testigo nga ipresentar kuntani sa Nobyembre 26 kag 27.
Sa ika-45 nga adlaw sang trial kahapon, ginpahayag ni lead defense counsel Sheila Sison nga indi lamang impeachment trial ang ila gina-asikaso kag may ara man sila sang iban man nga commitment.
Bangud sini, ginkanselar ni Senate President kag presiding officer Francis Escudero ang duwa ka natalana nga hearing kag magapadayon na lang ang trial sa Disyembre 1 tubtob 4.
May posibilidad man nga magapatigayon sang lima ka adlaw nga trial sa masunod nga semana kun kinahanglanon.
Samtang, indi na pagdayunon sang depensa ang pagpaatubang sang ila nakatalana kuntani nga testigo nga si Atty. Eva Marie Mariquina agud mas mahatagan sang kahigayunan ang iban pa nga mga importante nga witness.
Ginpahayag man ni Esudero nga nagalaom siya nga matapos ang trial kag makapagwa na sang desisyon antes matapos ang tuig.














